<< Forward . . . . . . . . . . . . Next >>
मेमेगु ल्याखाये बले छ्यलिगु खँग्वः
भचा, भचा भचा, छुं भचा, भतिचा, भतिचा भतिचा, छुं भतिचा, भति, भति भति, , उलि, उलिचा, उलिं, उलि नं, गुलि, गुलिचा, गुलिं, गुलि नं, उलिथुलि, थुलि, थुलिचा, थुलिं, थुलि नं, यक्व, आपा, म्ह्व
नेवाः भासय् ल्याखायेगु खँग्वः तःता जीया दु. ल्याखायेगु खँग्वःया नं थीथी कथंया उबां खँग्वः दयेके ज्यु. उलि जक मखु लिउने निपात "हे" तया हानं थ्व कथंया खँग्वः खिँग्वः छ्यले ज्यु.
दसुया कथं खँग्वः "उलि" काये, चिधंगु रुपय् छ्यले बले थ्व खँग्वः "उलिचा" जुइ, उबां छ्याये बले "उलि आलि" जुइ. हानं निपात तये बले "उलि हे" जुइ. खँपु कथं छ्यलागुया दसु क्वये बिया च्वना.
उलि ज्या याना नं गाइला ? ज्या यागु मगानि धायेगु खँ थुइका काये.
उलिचा ज्या यागु नं ज्याला माला ? ज्या सिक्क हे म्ह्व जुगु खँ सी दु.
उलि हे ज्या याना नये मफु. ज्या मजुगु खँ सी दु.
उलि थुलि ज्या याये मागु सी मदु. ज्या गुलि याये मा धायेगु सी मदु.