<< Forward . . . . . . . . . . . . Next >>

 

Case

लितँसा > ं,याके,यागु,गु ,यात , पिं ,मिगु ,मि ,पिनिगु

खँग्वःया लिने मजि मगाकथं वइगु तँसायात लितँसा धाइ । थ्व लितँसा पेताजि दु ।

१. याक

२. यात

३. सिया

४. किसं

१. याक > "याक" ज्या याइम्ह जुया च्वनि । गथे

मामं धेबा बिल

किजां नल

वं जित बिल

सां घाँय् नल

२. यात > "यात" याइगु ज्या जुया च्वनि ।

खिचां ला(यात) नल

वं सिँ(यात) पाल

वं जित(जियात) बिल

छु यासु : छु नल ? छु पाल ?

सुयात यासु : सुयात बिल ?

थन छु यात वा सुयात धका न्यने बलय् "ला ,सिँ ,जित " लिसः जु वइ । थथे याकं याइगु ज्यायात "यात" धाइ ।

३. सिया > "सिया", थुकिं सुयागु धका थुइके बिया च्वनि ।

खायागु ला

जिगु छेँ

छंगु लाकां

इमिगु बुँ

थकालिम्हसियागु उजं

तर्हिपिनिगु लं

मेसिया दुरु

४. किसं > थुकिं ज्या जुया च्वंगु थाय् क्यना च्वनि ।

खागलय् खा दु

भुतुलिइ मि च्याइ

प्वाथय् पित्यात

प्वालय् छँ दुहावन

ग्वाचय् जा थात

थासय् हुँ

गामय् सुं मदु

थन गन धका न्यनि बले वइगु लिसः यात किसं धाइ ।

ज्यान दुगुलि लितँसा चिं

याक : (),ं,नं ,सें

यात : (),यात,सित,सियात

सिया : या, सिया,किसं

किसं : याके,के ,सिके ,सियाके

च्वय्यागु () प्वकलंगु थासय् खँग्वलय् छुनं लितँसा घाइ मखु ।

तःम्हय् "त" वइगु नामय् लितँसा चिं

म्हछि तःम्ह

तःम्हय्‌ "त" वइगु नामय्‌ लितँसा चिं

	म्हछि	तःम्ह
याक :	सँय्‌, सँचं	सँय्‌त,सँय्‌तय्‌सं
यात :	सँय्‌,सँय्‌यात	सँय्‌त,सँय्‌तय्‌त
सिया :	सँय्‌या	सँय्‌तय्‌
किसं :	सँय्‌याके	सँय्‌तय्‌के

तःम्हय् "पिं" वइगु नामय् लितँसा चिं

	म्हछि	तःम्ह
याक :	काय्‌, कायं	काय्‌पिं,काय्‌पिंसं
यात :	काय्‌,काय्‌यात	काय्‌पिं,काय्‌पिंत
सिया :	काय्‌या	काय्‌पिनि
किसं :	काय्‌याके	काय्‌पिंके

ब्वाय्सुइ वइगु नामय् लितँसा चिं

	म्हछि	तःम्ह
याक :	भिंम्ह,भिंम्हं,भिंम्हसें,भिंम्हसियां, भिंम्हसिनं	भिंपिं,भिंपिंसं
यात :	भिंम्ह,भिंम्हसित, भिंम्हसियात	भिंपिं,भिंपिंत
सिया :	भिंम्हसिया (गु)	भिंपिनि
किसं :	भिंम्हसियाके,भिंम्हसिके	भिंपिंके

मंकाःनामय् लितँसा चिं

	म्हछि	तःम्ह
याक :	व,वं	इपिं,इमिसं
यात :	व,वयात	इपिं,इमित
सिया :	वया,वयागु	इमि,इमिगु
किसं :	वयाके	इमिके

 

case

		म्हछि			तःम्ह
		बाजात	माजात	मजात	बाजात	माजात	मजात
१.	धाइम्ह	जि	जि	जि	जिपिं	जिपिं	जिपिं
२.	नेनिम्ह	छ	छ	छ	छिपिं	छिपिं	छिपिं
२.	नेनिम्ह	छि	छि	छि	छिकपिं	छिकपिं	छिकपिं
३.	ल्हायेगु	व	व	व	इपिं	इपिं	इपिं
४.	धाइम्ह व नेनिम्ह	-	-	-	झि	झि	-

 

नेवाः भासय् विशेष मंकाः नां झि, पेंगुगू पुरुष खने दु. चतुर्थ पुरुष, प्रथम पुरुष व द्वितीय पुरुषया संयोग ख. थुकिं धाइम्ह व नेनिम्हया निता तुं धायेगु खँ ध्वाः थुइकि.

 

		म्हछि				तःम्ह
		याक	सिया	यात	किसं	याक	सिया	यात	किसं
१.	धाइम्ह	जि	जिगु	जित	जिं	जिपिं	जिमिगु	जिमित	जिमिसं
२.	नेनिम्ह	छ	छंगु	छंत	छं	छिपिं	छिमिगु	छिमित	छिमिसं
२.	नेनिम्ह	छि	छिगु	छित	छिं	छिकपिं	छिकपिनिगु	छिकपिंत	छिकपिंसं
३.	ल्हायेगु	व	वयागु	वयात	वं	इपिं	इमिगु	इमित	इमिसं
४.	धाइम्ह व नेनिम्ह	-	-	-		झि	झिगु	झित	झिसं

 

जि	जिं	जित	जिगु	जिगु	जिं	जिके
छ	छं	छंत	छंगु	छंगु	छं	छंके
छि	छिं	छित	छिगु	छिगु	छिं	छिके
व	वं	वयात	वया	वयागु	वं	वयाके
व	इपिं	इमित	इमिगु	इमिगु	इमिसं/इमि	इमिके
ध्वँः	धोलं	ध्वँःयात	ध्वँःया	ध्वँःयागु	ध्वँःयाके	धोँलय्‌
ध्वँःत	ध्वँःतय्‌सं	ध्वँःतय्‌त	ध्वँःया	ध्वँःतय्‌गु	ध्वँःतय्‌के	ध्वँःतय्‌
ध्वँःचा	ध्वँःचां	ध्वँःचायात	ध्वँःचाया	ध्वँःचायागु	ध्वँःचाय्‌के	ध्वँःचाय्‌
भउ	भतिं	भउयात	भउया	भउयागु	भउयाके	भतिइ
भउचा	भउचां	भउचायात	भउचाया	भउचायागु	भउचायाके	भउचाय्‌
घ्यः	घेलं	घ्यःयात‍	घ्यःया	घ्यःयागु	घ्यःयाके	घेलय्‌
प्वाः	प्वाथं	प्वाःयात	प्वाःया	प्वाःयागु	प्वाःयाके	प्वाथय्‌
क्वँय्‌	कोँचं	क्वँय्‌यात	क्वँय्‌या	क्वँय्‌यागु	क्वँय्‌याके	कोँचय्‌
न्हकू	न्हकुतिं	न्हकूयात	न्हकूया	न्हकूयागु	न्हकूयाके	न्हकुतिइ

 

Complex case