<< Forward . . . . . . . . . . . . Next >>
Number (म्ह)
नेवा भासय् ज्यानमदुगु नांया तःम्ह दइ मखु. साधारन खँग्वःया लिउने "त" घातकिं तःम्ह जुइ ।
म्हछि तःम्ह
मचा मचात
मिजं मिजंत
मिसा मिसात
किसि किसित
खिचा खिचात
खिचाचा खिचाचात
सँय् सँय्त
हनेबहपिं व थःथिति "पिं" लिउने स्वाना तःम्ह जुइ ।
किजा किजापिं
पाजु पाजुपिं
काय् काय्पिं
छय् छय्पिं
म्ह्याय् म्ह्याय्पिं
हनेकने मापिनिगु लिउने नं "पिं " लिउने घाना तःम्ह जुइ ।
भाजु भाजुपिं
मय्जु मय्जुपिं
पासा पासापिं
मंकाःनामय् नं "पिं" लिउने घाना तःम्ह जुइ ।
जि जिपिं
व इपिं
छ छिपिं
हुँ हुँपिं
थ्व थुपिं
ब्वाय्सु नामय् नं "पिं" लिउने घाना तःम्ह जुइ ।
भिंम्ह भिंपिं
तुयुम्ह तुयुपिं
हिसिदुम्ह हिसिदुपिं
नेवाः भासय् ज्यान मदुगु खँगोलय् म्हछि व तःम्हय् भेद मदु. ज्यान मदुगु खँग्वःयात तःम्ह यायेत आपा, यक्व, म्ह्वः, उलि, उलिच, थुलि, थुलिचा व मेमेगु खँग्वःत न्ह्यने छ्यला तःम्ह याये ज्यु. थज्यागु खँग्वः नियेत नेवाः भासय् बस्तुया बां कथं विशेष खँग्वः तया निये ज्यु.