जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous |
केदार रागे ॥ जति ताले ॥
उध्दब अमो जोग जालस केन
जि पिरतिया तोलेन श्यामजु खनेन
दु प्राण तोलताओ वेन ॥१॥
पुनिस्या चन्द्रमा अमानयात कोतिन
गुणन खाल स्वहान ॥
कूंकूमया रस चेत रस निरमल
ख्वाल पले हल वान ॥२॥
मकूट शिर मनि कूण्ड्ल जोल लोल
गलस गज मोति माल ॥
निरमल निर मनि दुन देहस
वन माला दले सते जाल ॥३॥
ओ रुप नुगलस दलेन छु निरस
तय फयि ओ अलान ॥
नन्द जशोदाया सेवान स्वरगया
भोग काल कुल जान ॥४॥
अलासि दासि मति अगाभि निरगति
केन केनके महिमान ॥
धायि ओ सिद्धि नरसिंह स्वामि ग्वपि नाथ्या
पालिस सरन ॥५॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"