जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous |
केदार रागे ॥ जति ताले ॥
वेलस व सुख वेल ओ रुप जौभन
हेल हेल मविले दैवन वारवार
माधव पुरुषया वचन परिमान ॥१॥
धन धरम जस अरजन संसार
मनुष्य जन्मया फल साल ॥२॥
रसन दुख दुरजन्या वचन ङेन
अवलाया छुला लायिओ वान ॥३॥
ल्हेयिओ सुमेर मेलेस ओनिओ येले
क्षेमा भाव मकायि ओ भुन ॥४॥
लोभ मोह क्लेश तयिओ तओन अन
जोनिओ सुनान कुल गुन ॥५॥
करम मया वचनस तयाओ तन मन
लिज्यात वंधरी मति ओन ॥६॥
सिद्धि नरसिंह स्वामि ग्वपिनाथ्या कुपान
ज्ञानि अवसरस मदोन ॥७॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"