जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous |
राग मारुवा । एक ॥
रसन सिङेह छायारे ओओ तिन ।
अना चेत चेन दयि भिन भिन ॥१॥
पर छि पहल चछि लेन देन अन ।
राधा ओ विमुख दयिवन केन ॥२॥
चतु रस मय अन्त लेले तले तान ।
बिसम बलान कल तिन फाल ॥३॥
वृन्दाबन आभरण लेले रस मनि ।
ओओ जिओ मन सुन देह दनि ॥४॥
जमुना सिथस ओल लेले छाया लाया ।
सिंधल सितल मिया ज्वाला साया ॥५॥
सिद्धि नरसिंह स्वामि लेले गुण निधि ।
मसी ओ विधिन ग्वपि नाथ्या विधि ॥६॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"