जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous |
राग किराओ ॥चो॥
छो दयाओ छो श्र्वयाओ मलु मङ व किरिति ॥
छो हयाओ छो सयाओ तय पवित्र पिरिति ॥१॥
सुयाके छसु सिया ओरे हॄदय दुख फेने ॥
सूओयाओ सूरस विरहन रुप केने ॥२॥
ओगुन उजोगनरे ओवेलस वउ जिओ ॥
उहेतिन उदे़वन बिपति वियाओ ॥३॥
वन माला विया ओरे वस भास मल्हाल ॥
अकारन संका मन मविल उधार ॥४॥
सिद्धि नरसिंह स्वामि ग्वपि नाथ्या मन वने ॥
खमिल मियाव धायि लोओ लोओ हने ॥५॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"