जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous |
वालछी वालछीया रस
राग जयश्री ॥ तालचो ॥
वालछीया रस पुरुष मेवया वस
मफया मनया दुख ल्हाय ॥१॥
लाहात मसिवो थिसे विसे वास विवो
ननान वोसन लिहा झाय ॥२॥
नलेन दलेन नाप खछि मदले ताप
मजिओ जि जिओ बोध याय ॥३॥
निस्फल जनम धन मोलया जौभन
मलासे म्हलेन नाप लाय ॥४॥
सिद्धिनरसिंह, गोपिनाथ विज्यायि ओ
ओलस आनन्द दुख छाय ॥५॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"