जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous |
भथ्यारो रागे ॥ चोक ताल ॥
वस उल तलस गोकुल धन थाल
यसे यसे स्वसे गुन पिरति दे जाल ॥
सो यान हाय उपमा मलुओ रुप छु कने
तिरिया नुगलन छुनि छु लुमने ॥१॥
वसस वसस वन जिओ मति मन
राजा धिरज धरम लाकला कथन ॥२॥
कामसख संसार कायाओ बुद्धिन ।
केबर आनन्द परवत विधिन ॥३॥
जनम जनम मया अनेक पुण्य करम
सफल जुल जि कुल धरम करम ॥४॥
सिद्धि नरसिंह स्वामि गोपि नाथ्या भाओ ।
केहे स्वले लुमनेतु रन सुख भाओ ॥५॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"