जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous | Next |
आरति
घनाश्री रागे प्र ताले
आरति दान विद्वान विबेकन
म्हयव तय मसया सेवा अविशेषन ॥धु॥
गुण रुप सिल सरिर चरित
भयंकर भयहर धनु धारी ॥
पल पल मानस रामया सेवा
ब्रन्हा आदि देव गन पर सेवा ॥१॥
परिपञ्चन देवकी वसुदेव
कपति पुतना कंश भय ।
सन्यहन ग्वपि नाथ यसोदा स्पवान
नाम अजा मिति कुवजा स्यबान ॥२॥
उगु सेन प्रल्हाद कृपान नारद योगन
सुदामा स्येवा ।
गोम्हया निस्तारन जुल अनुशारन
सिद्धि नरसिंह स्वामि ग्वपि नाथया भावन ॥
श्री सिद्धि नरसिंह मल्ल रचित गीत सम्पूर्ण ॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"