जुजु सिद्धिनरसिंह मल्लया म्ये पुच:
Here contains songs written by King Siddha Narsingha Malla of Lalitpur
जुजु सिद्धिनरसिंह मल्ल
| Previous |
चोक ताले ।
नना ओन बनस ओन चुलि जौभन
जन्मया सार बालकास भिन ॥१॥
वसन्त समय जन्म रुप काम्पा दुत
माधवजु हेस अति अजुगति जुल ॥२॥
कोकिल कुशलङोने सूसल मफाओ
भमल्पा स्वभाव स्वयान वेदना जाओ ॥३॥
दक्षिण शित श्री खण्ड भ्वेत गेन सोय
अमनप सिमान स्वप लुम लुमं षोय ॥४॥
पर वस सर वस जीब परि पाति
शिव शिव धिक सिक उति तिरि जाति ॥५॥
मन देध दय सय ओ उपाय चोय
सिद्धि नरसिंह स्वामि ग्वपिनाथ लोय ॥६॥
more
source:
जुजु सिद्धिनरसिंह मल्लया म्ये पुच: सं क्षेत्रबहादुर कायस्थ यल ने.सं.१०८९
Typed by: Salim Shrestha "Palanchwoki"