अगस्त्यव्रतकथा
The text was published by rajamail.shresthaॐ नमः श्री अगस्ताय नम॥
विष्णोरुवाच॥
भो परमानन्द, अगस्त ऋषिश्वरस कथा, जेन कंन्य ङेङो, अगस्त ऋषिया खं, गोम्हा मनुक्षेन ङेनैव, थ्वम्हंया पाप मोयुव, समस्त यज्ञ याङाया फल लाक, अगस्तया प्रसादन, चक्रवर्तिसं प्राप्त जुव॥॥
पूर्व्वस, पल्हाद दैत्यन हातपणि, विष्णोभक्ति, थ्वस पुत्र, विलोचन धाया नाम, थ्व महाशिवभक्ति, विष्णोभक्ति मजुव, गथिं विष्णो धालसा, त्रैलोक्यसं नायक भुक्तिमुक्ति बियाव चोङम्हं, थथिंम्हा विष्णोसके, भक्ति मजु, शिवभक्त याङचोङ, धकाव, बबुन काय हातं, भो पुत्र विष्णोभक्ति याव, धकं हाता, विलोचनन ल्हाला, जे छाय विष्णोभक्ति जुय, गनाया विष्णो धकं, निन्द्रा याता, स्तोत्र याता, शिव प्रम्यदेव, समस्तदेवयां श्रेष्ठ, स्वर्ग्ग मत्य पातालसं, शिव उपलान्त, देव सुनं मदु, श्रृष्टिस्थितिकर्ता, थथिंम्हा महादेव, छाय विष्णो सेवलपे, छु याय फव, धकं, निन्द्रा याता॥॥
श्रीविष्णो क्रोधन, तमन बिज्याङाव, क्रोधन, हृदयस, चक्रन प्रहाल याङाव, विलोचन, भूमिस पदलप मृत्यु जुव॥ त्रैलोक्यया थाकुल, श्रीविष्णोन, चक्र प्रहार याङाव, मोचकाव, विलोचन, विष्णोपुरीसं प्राप्त जुव जुलो॥ विलोचनया स्त्री पुण्यसेन, महाप्रतिव्रता॥ थ्वस गर्भाधान जुव, मास पूर्ण्ण जुव, जुयाव जात जुव पुत्र महावलि, समस्त बलियासिनं बलि थ्व॥ थना जात जुवस्तुनं, चन्द्रमंण्डल काय धकं वना, थ्व (वेल)स, चन्द्रमा ङ्हेलाव, ङेना, हे बारक छन छु काय, छ बालक थथिंम्हा बलि जुस्यं वला, थना बलिन, चन्द्रमास वचन ङेङाव, बालकन धारा, जेन छे, अमृतफल भालपं काल वया, जि बारक बुद्धि जुयाव, थना चन्द्रमान धाला, गथिं बलि, थ्व बालक, जात जुस्तुनं, चन्द्रमान नाम छुला, थ्व बलियाशिनं वली, थ्वस बलि महादेवया प्रसादन, त्रैलोक्यया राजा याता, समस्त दैत्य श्रेष्ठ॥ थ्वन देवगन, समस्तं जयलपं, स्वर्ग्गस राज्य याक॥॥
समस्तं थव अधिकार याङाव चोङ जुलो॥॥
थना बलि राजान, अश्वमेयज्ञ याक॥ थ्व यज्ञेस, श्रीविष्णो बावनरुप कायाव बिज्याक, थ्व यज्ञेस॥ समस्त वेदसास्त्र संयुक्त जुव, थ्व यज्ञेस, पाठ यात वया धकं, बावन ब्राम्हणरुप धररपं बिज्याक, थ्व ब्राम्हण खंङाव, बलि राजान, महाआदलन, आसन तयाव, पूजा याङाव, नमस्कार याता, थ्वन बेद परपालु दंङा, बलि राजा, धारा, भो ब्राम्ह(ण) छिता छु गास्यं बिज्याङा रत्न रा, वस्त ला, सुवर्ण्णादि, छु यला, ओ छिता मालगु, आज्ञा दयकेने धकं धाला, ब्राम्हणस्यं धला, जिता मेवता वस्तु छु नं मयव, भूमि त्रिपाद फोने धकं धाला, थ्वते ब्राम्हणया आज्ञा ङेङाव, राजान निश्चयनं बिय याता, शुक्ल बोना, थना शुक्ल धालाः भो राजा, भूमिदान आमो ब्राम्हणयाता बिय मतेव, ब्राम्हण मखु, आमो माया वला थुका, नारायण निश्चयं॥ रत्न सुवन्नादि बिहुने, भूमी बियमतेव, विकाल जुयुव, छि विपर्ति जुयुव संदेहे मुमाल, अवस्यं जुयुव॥॥
राजान धारं, थ्व नारायण जुम्हंन, जिवखे, जेन यज्ञ याङा, ओसता समस्त दान याङा, ओसता थका॥ ओस संतोख यायमाल संपत्ति थजुले, भूमीदान याय निश्चय, (बिय) धकं, ब्राम्हण पुजा याङाव, हस्तार्घादि, बियतानङास्यं, कमंडलुस, लाख काङास्यं, अरखुनि मचाल, शुक्लन गा॰॰, गाङा वचण मङेङ, थना शुक्ल कमण्डलस चोना, थ्व ब्राम्हणन, कुशया चो कायाव, अलखुनि चारकला, थना र(क्त)धारा जुला॥
थथे खंङाव, बलि राजाया महासंखा धकं, कौस्तुक जुयाव, ब्राम्हणस्यं धारं, भो राजेन्द्र, छन कौतुक शंखा काय मूमाल, छन पुन्यया प्रभावन रक्तगंगा जुला॥ थथे धायाव कुशन चालकला, शुक्लया मिखास लाङाव मिखा छगोल मोक॥॥
थना हस्त्रोदक बियाव, भूमि त्रिपाद बिला, थना बावनरुप तोरताव॥ महाभयंकर मूर्ति जुयाव॥ छपा तुति पृर्थिस, नेपराग, आकासस थना विष्णोन धारा, भो बलि राजा, छपराक गना तय, भूमी बियाने धकं धाला॥
बलि उवाच॥ भो विपेन्द्र, जेन भूमि बिय मफतगो, जे शिरस तेने धकं, धाला, थव कपालस तयकला, थिस, बलि राजा, गनावन्यं मजियकाव, तेलाव तला, थना बलि राजाया, सेवकपनि दक्वंसेनं, हा नाथ २ धकं हाहाकालन खोयाव, ग्याङाव, चोना, थ्वते जुयाव, अर्गस्त ऋषिस, खवपा मिखा तुक॥ छु हेतु, छु कारनां जुला, धकं ग्यान दृष्टिन स्वरा॥ थ्वनलि, बलि राजा, विष्णोन, वध याङतव खंङाव, अगस्त ऋषिन, जे भक्तजनया, थथिंङ विपर्ति जुला खमने धकं, चिन्तरपं, अगस्तमुनि, बलि राजाया सनिपस बिज्याता॥ त्रिविक्रम मूर्ति सेयाव, अगस्तमुनि आनन्द जुयाव, ल्हालं, हे भगवान, हे नाथ हे त्रैलोक्यया थाकु, छलपोलस्यंन, मङ्गल कल्याण याङ प्रसन्न जुयमाल धकं अगस्तमुनिन, त्रिविक्रममूर्तियाके इनाप याता॥॥
छरपोलस्यंन, क्रोधमूर्ति तोलतं, क्षेमा याङ बिज्यायमा, क्रोध तोलतं॥ थ्व बलि राजा, जे भक्तजन जुवन थुका, जेन छलपोलसके इनाप याङा, नमसकाल याङा॥ थ वंन्धन मुक्त याङ बिज्याकेमाल॥ वर्ष २सं जेके भक्त याङ, धम्म चलरपु, जेके भक्त याक, थ्वलिया निमिर्तिकन, छलपोलसके, प्रार्थना याङा, हे थाकुल, हे प्रभो, वंधन तोलताव, मुक्त प्रसन्न जुयमाल॥ हे ईश्वर, थ्व बलि राजान, जेके माहाभक्त याक वर्षस २ कंन्यासंक्रान्ति ङ्हेतुकुन्हु, जेके सदाङ व्रत याक, विशेखन, विलोचनया काय, बलि, जे सेवक, थ्व वंधन याङान, जेन छुयाय, छिन, जे खंङान, कृपादृष्टि याङ बिज्यायेमाल, जेके भक्त याक सु दयिव, थ्व बलि, जे सलिल व तुल्य, जेव अनुग्रह निमिर्तिकन, थ्व वंधन मुक्त याङ बिज्याके माल, हे नाथ हे थाकुर, छरपोलसन, तोडमतोलनाव, जेके भक्ति जुयिव मदतो॥ ब्रम्हा विष्णो रुद्र ईश्वर, सदा शिव, थ्व सकसेनं, जेके भक्त याकम्हं, तोलते माल, उर्द्धाल याङ प्रसन्न युयमाल, धम्म अर्थ काम मोक्षे फल बिहुने॥ थ्व बलिन जे धम्म प्रतिपाल याक॥ थ्वरी निमिर्तिकन, छलपोरसेन, तोलतं प्रसन्न जुयमाल॥॥
स्वर्ग्गव समान, स्वेतराक्षसपुली धाया, नाम, नगलस, अनेक रत्नादि, सुवर्ण्णादि, संयुक्त, थ्वन सरस, राजा याङ तहुने॥ अगस्त ऋषिस, थथिंगो महिमा, मङ्गल वचन, श्रीनारायणसन ङेंङाव, आदेश दयकला॥ भो अगस्तमुनिश्वर, छे उपरान्त, जे, स्नेहे मेव मदु, छेव स्नेहे निर्मिकन, बलि बंन्धन मुक्त यातगो, स्वेतराक्षेसपुरिस राजा याव, धकं, श्रीनारायणस्यंन, आज्ञा बिला, थ्व देशस राजा (या)व, बलि राजान, सुखन, राज्य याक जुलो॥ अगस्तया धम्मया प्रभावन, स्वर्ग्गस गुलृ, सुख जुला, उलि सुख स्वेतराक्षसपुरिस दव॥ बलि राजा अभिषेक बियाव॥॥
श्रीविष्णो श्रीअगस्त, अन्तध्यान बिज्याक॥ बलिदैत्य राजा जुयाव, राज्यलक्ष्मि, सत्री पुत्रादिन सुखन राज्ये याक जुलो॥॥
भो परमानन्द, अगस्त ऋषिस, थथिंग्व महिमा खं, थ्वथिं धम्म दुल्लभ, थ्व धम्मया प्रभावन, महामभिंङ शान्ति, रोगव्याधिं शान्ति, ग्रह शान्ति अर्थ लाभ, वृद्रिर्ध, राज्य वृद्रिर्ध, समस्त यज्ञ याङाः समस्त तीर्थ वंङाव स्नान याङा फल, संप्राप्ति जुयिव॥॥
इति श्रीनारायणस, अगस्तव्रतकथा समाप्त॥॥०॥॥०॥
source:
http://nepalmandal.org/blog/31 (Acessed on 14. Oct 2010)